محمود حميدة: "اللي حصل امبارح على مسرح مهرجان الجونة خلاني أشوف الناس شايفني إزاي"

محمود حميدة اثناء الندوة

كتب: منار مصطفى
بدأت ندوة الفنان محمود حميدة، اليوم الجمعة ضمن فعاليات مهرجان الجونة السينمائي، بحضور نخبة من نجوم الفن، ووصل العديد من نجوم الفن أبرزهم لبلبة، ونور النبوي، وحسين فهمي، وصبري فواز، وتارا عماد، وغيرهم من الفنانين.

وأكد محمود حميدة خلال الندوة، أن نجوم الفن أسلوبهم الفني ليس واحدا موضحا: “الممثل زمان كان بيكون عنده مساعد، واسمه اللبيس، الظاهره دي جات من المسرح، وتطورت المسألة وبقى يعمل على راحة الممثل علشان يشوف شغله.

وقال محمود حميدة خلال الندوة: يوسف شاهين مش صعب في التعامل نهائي، واللي قال كدا ممكن يكون عنده اختلاف في وجهة نظر معاه شخصية، ولكن في العمل هو مخرج جيد، ويمتلك كل العناصر، وعنده تنظيم جيد لكل الأعمال الفنية، قبل ماييدأ تصوير بيبقي عامل جدول في أيام التصوير وعدد الساعات كمان، عشان لما يروح اللوكشين يبقي متفرغ للعملية الإبداعية بتاعته.

وعن تكريمه في حفل افتتاح مهرجان الجونة قال: "أنا مكنتش عارف معني التكريم والهدية اللي بعد ماعديت الأربعين سنة، يعني لما اللي كان بيجبلي هدية في عيد ميلادي كان بيقولي ليا قوله شكرا، أسالهم ليه انا مقولتش يجيلي حاجة، الهدية بتعمل تقارب من الأشخاص لبعضهم، ولما كنت أعرف إني هستلم جائزة كنت بحس إني عايز استخبي"

وتابع: "ولكن اللي حصل امبارح على مسرح مهرجان الجونة خلاني أشوف الناس شايفني إزاي، لأني عمري ما كنت باخد بالي من دا، فانا مبسوط جدا الصراحة".