الرئيس عبدالفتاح السيسي: "حكاية أكتوبر حكاية مبتنتهيش .. لسه عندنا نفس التحديات"
كتب: يوأنا ملاك
قامت مؤسسات المجتمع المدني بالإشتراك مع القوات المسلحة بإقامة فعالية "حكايات الابطال"، في ظل احتفالات نصر أكتوبر، وذلك في استاد العاصمة الإدارية، وقدم الحفل الفنان عمرو سعد والفنانة ريم مصطفى، وقد حضر باقة من ألمع النجوم والمطربين المصريين.
وختم الرئيس عبدالفتاح السيسي هذا الحفل بكلمة له عن نصر أكتوبر، وقال: "حكاية اكتوبر حكاية ملهمة مبتنتهيش .. نصر وراه ارادة شعب كامل رفض الهزيمة وتحدى نفسه وظروفه وتحدى التحدي نفسه .. اللي بتشوفه دلوقتي كانت نفس الظروف اللي عيشناها بعد حرب ٦٧ .. كان كله بيقول مستحيل .. الشعب المصري رفض ده واثر وتحدى نفسه وحقق الانتصار".
وأكمل: "عشان كده النصر ده غالي اووي واتدفع فيه كتير .. وراح ضحيته الكثير على رأسهم الرئيس الراحل انور السادات .. وأحنا دلوقتي في تحديات قدامنا ولكننا بنفس الروح والإرادة والاصرار لازم نفضل متاكدين انه بفضل الله وبالعمل والاصرار والمتابعه هنعير كل تحدي قدام مننا وهنصل لكل اللي احنا عايزينه مع بعضنا".
وتحدث السيسي عن الأفلام القصيرة الثمانية التي عُرضت حيث أبرزت قصص كفاح مجموعة من المواطنين، وقال: "الحكايات التمانية حكايات لناس بسيطة في كل بيت مصري" وأكد على ضرورة عمل تذكار للحاجة فرحانة "أكبر فدائية في سيناء"، فقال: "الحاجة فرحانة هنعملها حاجة باسمها في سيناء وفي مصر عشان نفتكر جميلها دايما هي نموذج للمصرية الفدائية السينوية وبنقولها متشكرين، وهنعمل محور أو حاجة رئيسية للحاجة فرحانة في القاهرة عشان نفكر سكان القاهرة بجميلها".
وأنهي الرئيس السيسي كلمته بشكر خاص لكل القائمين على هذا الحفل، وكل الحضور الفنانين والمطربين وعلى رأسهم الفنان محمد منير حيث أنه لديه ظروف صحية ولكنه أثر على التواجد، وفي النهاية شكر الشباب الحاضرين.
