فنون
2024-11-14 20:55:41
خيرى بشارة فى ندوة مهرجان القاهرة: بكره أتفرج على أفلامى وليا تيمة مكررة في أفلامى
كتب: منار مصطفى
أقيمت ندوة بعنوان مرآة مصر: الهوية في عيون خيري بشارة وتحدث المخرج خلال الندوة المقامة ضمن فعاليات الدورة 45 من مهرجان القاهرة السينمائى عن التيمة الأساسية فى أفلامه حيث قال: "فى تيمة مكرره فى كل أفلامى وهو الصراع بين الأغنياء و الفقراء و الطبقية و التمرد باختلاف المواضيع، دائما أفكر وعمرى ما أكون مع الأغلبية، و بشوف صور و عوالم غامضة قبل التصوير بتخيلها و فيلم كابوريا شوفته في خيالي قبل ما أصوره و عالم كابوريا ضئيل عن الواقع"
وأضاف:" بكره اتفرج على أفلامى وشوفت بس في الفترة الأخيرة فيلم قشر البندق عشان كان نسخه مرممه، وأنا دلوقتى هادئ و متصالح مع نفسى لكن رحلتي مع الفن كانت صعبة و كلها تعب".
وقالت المخرجة هيا خيرت: "زمان كان عندنا مساحة إبداعية كبيرة، دلوقتى بحاول افصل من السوشيال ميديا و اقفل الموبايل و ارجع أشوف الناس تانى مرة أخرى، وطول الوقت دائما بحب أقدم فيلم بحبه و حقيقى وغير انى اقدم فيلم الناس تقولى حلو و تصفق ليا".
