فنون
2024-12-25 21:35:05
المخرج رامي إمام يفجر مفاجأة جديدة عن زعيم السينما المصرية الفنان عادل امام
كتب: مرلين هاني
علق المخرج رامى امام على عودة الزعيم عادل امام قائلا الحمد لله الزعيم عادل إمام حاليا بخير، وبيستمتع مع أحفاده وأولاده، ومفيش أى حاجة وكل دى شائعات، والناس عارفة والجمهور عارف كل حاجة وطبعا بيسمع الشائعات وبيتأثر بيها بشكل كبير، لكن هو فاهم كويس أوى إيه اللى بيتقال وإزاى وعشان خاطر إيه".
و قال ايضا عن عودته للفن قائلا "والله طبعًا وجهة النظر بالنسبة له، هو عمل كل حاجة، فلو فى أى دور، اتعرض عليه جديد تمامًا عن اللى عمله، طبعًا، يا ريت"، نتمنى ان نرى الزعيم فى ادوار جديدة وان نستمتع بموهبته العظيمة حيث كانت اخر اعمال الزعيم الفنية هى كان مسلسل فلانتينو عام 2020 . فلانتينو هو مسلسل تلفزيوني مصري عُرض في رمضان 2020، وكان سيُعرَض في رمضان 2019، لكنه تم تأجيله لأسباب غير مُعلنة.المسلسل من بطولة عادل إمام، وهادي الجيار، وسمير صبري، ودلال عبد العزيز، وداليا البحيري، ومحمد الكيلاني، وطارق الإبياري، وهدى المفتي، ورانيا محمود ياسين، ووفاء صادق، وحمدي الميرغني، ومن تأليف أيمن بهجت قمر، وإخراج رامي إمام، وإنتاج شركة ماجنوم للإنتاج والتوزيع الفني والسينمائي.
