فنون
2025-01-02 20:30:06
تعليق شريف الدسوقي بعد استجابة أحمد العوضي لطلبه
كتب: منار مصطفى
علق الفنان شريف دسوقي على استجابة الفنان أحمد العوضي لطلبه بالمشاركة معه في عمل فني وكتب شريف دسوقي عبر حسابه الرسمي على موقع فيس بوك : النجم الغالي اللي ساكن قلبي أقسم بالله، ماتتصورش فرحتي قد إيه إنك قدرتني ورديت عليا
وأضاف:وعلى فكره أنا عمرى ماطلبت من اى نجم انى اشتغل معاه الا انت، عارف ليه، عشان حبيت طبطبتك على قلوب الناس فى المبادره اللى عاملها عشان تكسبهم ويقدروا يعدوا الايام الصعبه، ربنا يكرمك ويحميك ويصونك ويزيدك من نعيمه ياغالى وفى قلبى
وكان أجرى أحمد العوضي بثا مباشرا على حسابه الرسمي على موقع فيس بوك للإعلان عن أسماء الفائزين بمسابقته وكتب له شريف دسوقي :لو سمحت عايز أشتغل معاك
ورد عليه العوضي قائلا : الزميل الغالي على قلوبنا شريف الدسوقي، أنا مشفتش التعليق على اللايف للأسف، وطلبك على رأسي يا شريف، أنا أتشرف بالشغل معاك يا حبيبي، وأزيد بيك وأعلى بيك، وإن شاء الله هيجمعنا عمل في الوقت القريب، وأنا من معجبينك يا شريف، ومن محبين دورك الجميل مع الزميلة الغالية نيللي كريم في مسلسل بـ 100 وش
