الترند عندكم أهم من أي حاجة.. محمد العدل ينتقد ما يحدث مع محمد صبحي
كتب: يوأنا المصري
انتقد المنتج محمد العدل التريند المتصدر باسم الفنان محمد صبحي بعد الفيديو المتداول له مع السائق، وذلك من خلال منشورًا عبر حسابه الرسمي على موقع التواصل الإجتماعي فيسبوك.
حيث قال محمد العدل في منشوره: "بقت قلوبكم غليظة ..وقساة.. والترند عندكم أهم من اى حاجة، برغم ان موضوع محمد صبحى خد اكتر من حجمه وما كنتش احب اتكلم فيه، لكن لما تقول لى لازم يراعى سن السائق انتوا كمان راعوا سن محمد صبحى اللى اكبر من السائق وقد قارب على الثمانين وراعوا ظروفه الصحية.. وراعوا ان فيه ناس لازقة الموبايل فى وشه وبتصوره وهو متنرفز، وراعوا انه اتصل به ولم يرد.. وكلم حد يشتكى انه مش عارف يوصل للسواق، وفى الاخر خد العربية ومشى ولم يقل للسائق اجرى ورايا، هو اللى جرى ورا العربية.. لقمة عيشه صحيح و من حقه بيتشبث بها.. لكن هو اللى غلطان مش صبحى، والا إدانة اى فنان بقت هى اللى بتجيب الترند؟؟".
وقد علق نجل سائق الفنان محمد صبحي على الفيديو المتداول، والذي انفعل فيه صبحي على والده أمس بعد تكريمه على مسرح الهناجر بدار الأوبرا المصرية، فبعد مغادرة الفنان للمسرح التف الجمهور والمصورون حوله؛ مما تسبب في حالة من الزحام والتكدس، وهو الأمر الذي جعله ينفعل لتأخر السائق عليه وعدم انتظاره.
وأرسل نجل السائق رسالة إلى إحدى الصفحات التي تناولت الموضوع، وكشف فيه كواليس الموقف، مؤكدًا أن والده مظلوم، ولا يستحق التعامل بهذه الطريقة من الفنان: “الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلا. هو سواق أخته مدام سلوى عشان كده هو كان بيكلمها لما خرج.. وأبويا غلط آه معترضتش”.
وأضاف: “بس اللي حصل ده عيب جدا ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جدا، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش”.
وتابع: “أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل، على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله.. يعني أبويا مش بيذل نفسه ولا هو اللي عمل كده في نفسه زي ما الناس بتقول”.
