خرج الفنان محمد رمضان عن صمته بعد صدور قرار بالحكم عليه لمدة سنتين بسبب عرض أغنية رقم واحد يا أنصاص بدون تصريح، حيث نشر مقطع فيديو عبر حسابه الرسمي على موقع التواصل الإجتماعي فيسبوك، ليوضح حقيقة الأمر.

وقال محمد رمضان في منشوره: ""أنا عندي زووم ميتينج (Zoom Meeting) كمان شوية مع ماديسون سكوير جاردن ولايف نيشن أمريكا، بيطمنوا عليا.. بيقولوا لي في أخبار واصلانا إنك عندك سنتين سجن وده ممكن يأثر على وجودك في حفلة 17 يناير في ماديسون سكوير جاردن.. فقلت لهم لا دي شائعات طبعاً، وأنا مع جمهوري ومعاكم يوم 17 يناير اللي جاي يعني في أقل من شهر، واللينك في البايو عشان الناس تعرف تحجز، فقالوا لي ليه الأخبار اللي من بلدك كلها سلبية؟ قلت لهم لأن بلدي بتحبني وعايزاني أحسن، فخايفة إني أتغر.. بتحفزني يعني.. فطبعاً الكلام ده بيأثر على شغلي ومستقبلي وحفلاتي، فـ ثقة في الله هنعمل أقوى حفلة، وثقة في الله هنثبت للعالم كله قوتنا كعرب في نيويورك، في أشهر أرينا في العالم.. إن جمهورنا قد إيه، وثقة في الله ووعد.. وهتشهد على ده الشرطة الأمريكية، خاصةً شرطة نيويورك اللي هتنظم الحفلة وهتنظم الطرق ودخول الجمهور وتأمين الجمهور.. هيشهدوا على جمهورنا، وعددنا، وقوتنا، وصوتنا عالي لحد فين ويقدر يوصل لحد فين.. وثقة في الله أقوى حفلة."

وعلق رمضان على مقطع الفيديو قائلًا: "اعتذر لعائلتي و جمهوري و أصدقائي عن هذه الأخبار التي تتداولها المحاكم والصحافة المصرية من حوالي اكتر من ٧ سنوات متصلة ومفيش شهر بيعدي من غير احكام بالسجن لي و وصلت حتى لأبني الطفل، آخر قضية اغنية معايا تصريح الرقابة بعرضها،و كمان مش أنا أصلاً اللي كاتبها ومع ذلك أتحكم عليا بالسجن ولكن مع إيقاف التنفيذ ولم توضح الصحافة انه مع إيقاف التنفيذ محاولة لوقوع ضرر بالفعل لي ولعائلتي، ملحوظة : هفضل احب بلدي و أعشق ترابها للأبد."

وقد أعلن محمد رمضان عن طرح أحدث أعماله الغنائية التي تحمل عنوان "بيب بيب"، بالتزامن مع صدور الحكم، في محاولة منه للتجاهل والتركيز على هدفه الأساسي.