كتب في المنشور قائلاً: "انا هويت ، الأغنية دي لما سمعتها أول مرة، ما كنتش اعرف ان حياتي كلها حتفضل مرتبطه بيها ، ماكنتش اعرف اني حغنيها بعد كده ، و انها ممكن تعجب حد و يتأثر بيها ، ما كنتش اعرف اني كل ما حسمعها حفتكر ابويا ، ما كنتش اعرف اني حضطر اعيش بشوية زعل صغيرين عمرهم ما بيروحوا" . 

"انا هويت" أغنية ألفها الشاعر «يونس القاضي» وهو من مواليد عام 1888، ولحنها وغناها «سيد درويش» وهو من مواليد 1892، لكن لا أحد يعلم تاريخ محدد لهذا النتاج المشترك بين القاضي ودرويش. الأغنية العاطفية الشهيرة في تاريخ الغناء العربي غناها عمالقة الفن، منهم موسيقار الأجيال محمد عبد الوهاب، وجارة القمر فيروز، وسعاد محمد، وغيرهم، وأعاد غناؤها مؤخرًا المطرب «هاني الدقاق» من خلال فرقة «مسار إجباري» عام 2020.

وتلك المرة ليست الاولي التي ذكر فيها او علق عليها هاني الدقاق علي اغنية انا هويت، فنشر منذ ٣ سنين منشور ايضا على حسابه قائلًا: "بقالي كتير جدا نفسي أحكي قصة أغنية أنا هويت معايا بس بكسل عشان طویله شویه و کده .بس قررت احكيها بقى ابويا الله يرحمه كان سمعني الأغنية دي و انا صغير ٧ او ٨ سنين ، كنا في الكويت ساعتها ، و سمعهالي بصوت سعاد محمد مش الاصليه بتاعة سيد درويش، و ساعتها انا فاكر قعد يحكيلي على سعاد و جوزها اللي هو اساسا صاحبه واد ايه كانت قعدتهم حلوه و بيغنوا ويضحكوا و كده، انا ساعتها الاغنيه اتعلقت بيها جدا جدا، بعد ما ابويا اتوفى حبيت اني اغنيها و كنت بحس اني بغنيهاله ، فابتدينا نوزعها في الفرقه و انا قررت العب صولو جيتار بكلمه فيه و بهديه لابويا، كل نوته في الصولو بتمثل كلمه ليه، الله يرحمه ويرحم كل اللي سابولنا ذكريات حلوه نفتكرهم طول عمرنا بيها".