كان عمرو أديب ضمن أبرز أبطال مداخلة شيرين عبدالوهاب المثيرة للجدل، إذ تعرض لموقف محرج على الهواء بسبب «صلعته».

وبدأت شيرين مداخلتها الهاتفية بشكر جميع من يدعموها، ومن عملوا معها في أغنياتها الأخيرة من كتاب وملحنين وموزعين وغيرهم، نافية ادعاءات شركة «روتانا» وممثلها القانوني.

وفي ردها على تصريح الممثل القانوني لشركة «روتانا» قالت شيرين موجهة حديثها لـ عمرو أديب: «مع كامل احترامي للأستاذ اللي اتكلم ده، اللي هو، معرفش هو معندوش شعر، هو أول واحد اتكلم، أنا آسفة يا أستاذ عمرو، أنا معرفش اسمه إيه».

وعقب «أديب» على حديث شيرين عبدالوهاب «المحرج» قائلًا: «اسمه الأستاذ رضا، اتفضلي يا فندم»

واختمت شيرين مداخلتها قائلة: «خليني يا أستاذ عمرو أقفل قبل ما أقول حاجة تخليهم يمسكوا عليَّ حاجة، وأحب أقولك أخيرًا أنا سجن النساء واحشني جدًّا وأنا مستعدة أتسجن عادي جدًّا وأنا مش فارقة معايَ حاجة».

وأضافت خلال المداخلة الهاتفية مع عمرو أديب قائلة: «تواصلت مع توني سمعان موزع روتانا، وطلبت منه أن يأخذ منها الأغاني، ولكن رفضوا استلام الأغاني» .. «مش عايزين يستلمو الأغاني، عايزين شيرين عبدالوهاب حصري، مهما روتانا عملت هنزل الأغاني على البوتاجاز، والنجاح اللى أنا فيه دلوقتى الفضل فيه يعود للناس».